Летувањето во Грција за повеќето туристи поминува без проблеми, но секоја година има и такви кои се непријатно изненадени најчесто поради казни што не ги очекувале.

Она што е особено важно да се нагласи е дека правилата во Грција во последните години се контролираат сè построго, особено во текот на туристичката сезона.

Некои казни во Грција надминуваат и 1.000 евра, а туристите често ги добиваат за ситници за кои не ни знаеле дека се прекршок.

Казните во Грција во 2026 година не се симболични и во многу случаи можат да изнесуваат над сто или илјада евра. Токму затоа е важно да знаете што е забрането во Грција и каде туристите најчесто грешат.

Важно е да знаете дека:

Kазните важат еднакво и за туристите и за локалното население;
Полицијата нема толеранција за „непознавање“ на правилата;
Најмногу казни се однесуваат на паркирањето и возењето, а контролите се најчести во текот на летната сезона.

Пречекорување на брзината

Возењето кон летувалиштата често води низ долги магистрали и отворени патишта, каде што возачите имаат впечаток дека можат да возат побрзо од дозволеното. Токму тука се случуваат најчестите казни. Полицијата е особено активна во текот на летниот период кога е сезона, а контролите се поставуваат на места каде што возачите најчесто „попуштаат“.

Многу туристи не се свесни дека казните се јасно дефинирани и дека нема предупредувања. Дури и мало пречекорување може да биде доволно за казна, особено ако се случи во населено место.

Мало пречекорување: од 40 до 100 евра;
Поголемо пречекорување: од 150 до 350 евра;
Сериозни прекршоци: можно одземање на возачката дозвола.

Важно е да се има на ум дека казните се зголемуваат во зоните каде што постои поголем ризик, како што се местата со пешаци или туристичките центри.

Најчестите казни се поради користење телефон и неносење на појас

Една од најчестите ситуации е возењето без појас или користењето телефон. Туристите често го прават тоа „накратко“, мислејќи дека нема да има проблеми, но токму тоа се прекршоците што најчесто се казнуваат. Во Грција е задолжително носењето појас за сите патници во возилото, вклучувајќи ги и тие на задното седиште. Исто така, држењето телефон во рака за време на возењето се смета за сериозен прекршок.

Казна за телефон: околу 350 евра;
Казна за појас: околу 350 евра.

Полицијата го контролира ова без исклучок, особено во туристичките зони и градовите.

Алкохол при возење

Вечерата со вино или пијалак на плажа за многумина изгледа како дел од одморот, но возењето после тоа може да претставува сериозен проблем. Границите се јасно одредени, а контролите се чести, особено во вечерните часови. Она што многумина не го знаат е дека казните значително се зголемуваат ако се утврди повисоко ниво на алкохол или ако дојде до инцидент во сообраќајот.

Дозволено: до 0,5 промили;
Казни: до 1.200 евра.

Во потешки случаи можни се и дополнителни санкции, вклучувајќи и забрана за управување со возило.

Непрописно паркирање

Паркирањето е без дилема најчестата причина поради која туристите добиваат казни во Грција. Во желбата брзо да ги завршат обврските или да отидат на плажа, многумина паркираат на места каде што тоа не е дозволено. Најчести грешки се паркирањето на жолти линии, блокирањето на премин или паркирање на места се резервирани за одредени корисници.

Казни од 40 до 150 евра;
Можно отстранување на возилото;
Можно одземање на регистарските таблички.

Во некои ситуации возилото не може да се користи додека не се регулира казната, што може сериозно да ги наруши плановите за време на одморот.

Кампување на плажа

Иако на многумина им изгледа романтично или практично, спиењето на плажа или надвор од камповите е забрането. Ова е едно од правилата што туристите најчесто го игнорираат.

Казни: околу 300 евра или повеќе. Дури и една ноќ може да биде доволна за интервенција.

Оган и скара

Во текот на летните месеци постои голем ризик од пожари, па правилата се исклучително строги. Палењето оган или правењето скара надвор од дозволените места може да има сериозни последици.

Највисоки казни што туристите можат да ги добијат во Грција:

Возење под дејство на алкохол: до 1.200 евра;
Илегално издавање сместување: околу 10.000 евра;
Тешки сообраќајни прекршоци: високи парични казни и забрани.

Најчести грешки што ги прават туристите:

Повеќето казни не доаѓаат од намера да се прекршат правилата, туку поради брзина и невнимание. Токму затоа истите грешки се повторуваат од година во година.

Паркирање „на минутка“;
Возење без појас;
Користење телефон;
Кампување на плажа.

Како се плаќаат казните во Грција?

Во повеќето случаи казните не се плаќаат веднаш на лице место. Процедурата зависи од видот на прекршокот, но постојат неколку основни правила.

Плаќање во банка или онлајн;
Можен попуст за брзо плаќање;

Најдобро е казната да ја решите што е можно побрзо за да избегнете дополнителни компликации.

Најчести прашања за казните во Грција:

Колкава е казната за паркирање?
- Најчесто меѓу 40 и 150 евра, но може да вклучува и дополнителни мерки.

Дали казните стигнуваат на домашна адреса?
- Во некои случаи да, особено ако прекршокот е снимен.

Дали правилата важат и за странци?
- Да, правилата се исти за сите.

Како да ги избегнете непријатностите во текот на летувањето

Најголемиот број проблеми можат да се избегнат со малку внимание. Доволно е да обрнете внимание на основните правила и да не правите работи што изгледаат „безопасно“, бидејќи токму тие се најчестата причина за казни.

Извор: b92.net
Фото: Magnific