Првиот уписен рок на УКЛО е на 21, 22 и 23 август 2023 г. Универзитетот „Св. Климент Охридски“ - Битола, објави дека ширум ги отвора вратите за упис на нови студенти во акaдемската 2023/2024 година. Конкурсот за упис на нови студенти е достапен на веб-страницата на УКЛО и
веб-страниците на Универзитетот.
На 11 единици на УКЛО место има за 2.565 нови студенти. Од нив, 1.351 се за државната квота, другите 773 и 441 се наменети за студии со кофинансирање и вонредно студирање.
Заинтересираните кандидати имаат можност за солиден избор од широката лепеза специфични профили. УКЛО нуди бројни акредитирани студиски програми што се поврзани со пазарните потреби, интегрирани во опкружувањето.
УКЛО и во новата академска 2023/2024 го стимулира уписот на најдобрите.
На секоја единица на Универзитетот, од сите студиски програми заедно, на три најдобро рангирани кандидати, ќе им бидат рефундирани средствата од плаќање партиципација за првиот семестар од првата година на студии.
Конкурсот ќе се реализира во три уписни рокови.
Вториот уписен рок на УКЛО ќе се реализира на 6 и 7.9.2023 , додека третиот уписен рок ќе се спроведува на 22.9.2023 година.
(Комерцијална објава)