Универзитетот „Кембриџ“ го лансира COTSI (Кембриџ индекс на доверба и безбедност на интернетот), првиот глобален индекс за следење на пазарот на лажни онлајн профили. Алатката собира дневни податоци од повеќе од 500 платформи - вклучувајќи ги „X“, „Тик-ток“, „Амазон“ и „Спотифај“ - и открива колку чини купувањето „армија“ од ботови во секоја земја.

фотоизвор: Screenshot COTSI

Најновите податоци, објавени во списанието „Наука“, покажуваат екстремни разлики во цената на СМС-верификацијата што ги користат фармите за ботови за креирање лажни профили: Јапонија е на врвот со просек од 4,93 американски долари, додека цените во САД, Велика Британија и Русија се под 30 центи. Анализата, исто така, открива „предизборни скокови“: било забележано дека цените на ботовите на „Телеграм“ и „Вацап“ се зголемуваат до 15 % пред националните избори.

COTSI нуди транспарентен увид во „сивата економија на онлајн манипулацијата“, каде што лажните профили се продаваат отворено и масовно. Тој не само што ги следи цените, туку го следи и достапниот „инвентар“ на лажни профили наведени од секој продавач во секоја земја, за стотици платформи.

Никогаш поевтино

Ова ги вклучува сите канали на социјалните медиуми, како и апликации за готовина, запознавање и игри, берзи за криптовалути и страници како „Арбиенби“, услуги за стриминг на музика и видео, апликации за споделено возење како „Убер“ и профили за големи брендови како „Најк“ и „Мекдоналдс“.

Истражувачите предлагаат построга регулација на СИМ-картичките и означување на земјата на потекло на профилите, но признаваат дека дури и овие безбедносни мерки веќе се заобиколуваат. Генеративната вештачка интелигенција го отежнува идентификувањето на ботови кои сега можат да водат убедливи автоматизирани дискусии. Подетално за индексот можете да дознаете тука.

Извор: bug.hr

Фото: Screenshot COTSI/Freepik