Студентите по медицина на „Кембриџ“ учат на сосема нов начин со помош на холограмски пациенти. Студентите од болницата „Аденбрук“, која е дел од фондацијата НХС на Универзитетот „Кембриџ“, вежбаат на холограмски пациенти со помош на систем за тренирање наречен „Холо сенариос“.

Технологијата ја развиваат фондацијата НХС, Универзитетот „Кембриџ“ и американската компанија „Гиг екс ар“. Студентите користат специјални очила и слушалки со чија помош гледаат холограмски пациенти и медицинска опрема.


Системот им овозможува на присутните да се гледаат додека вежбаат на холограм. Според креаторите, холограмите изгледаат како вистински пациенти или направи, а овие виртуелни симулации може да го намалат ризикот за грешка од страна на студентите додека вежбаат.

Во моментов, со помош на системот студентите може да научат како да дијагностицираат и да лекуваат респираторни состојби, како астма и пневмонија. Во развој се и вежби од областа на кардиологијата и неврологијата.

Извор: Euronews
Насловна фотографија: NHS