Објавен е првиот трејлер за „Разбуди се, мртов човеку: Мистерија на нож во грб“ (англ. Wake Up Dead Man: A Knives Out Mystery), трето продолжение од популарниот детективски серијал на сценаристот и режисер Рајан Џонсон. Даниел Крег повторно ја игра улогата на детективот Беноа Блан, кој овој пат ќе се обиде да реши случај со каков што не се соочил дотогаш. Филмот ќе пристигне во кината на 26 ноември, а на „Нетфликс“ на 12 декември.

Трејлерот открива дека Блан се соочува со мистерија која, според неговите зборови, ја надминува секоја претходна. За разлика од претходните делови, новиот филм носи посериозен и помрачен тон, со елементи на психолошки трилер. Иако Џонсон останува верен на својот препознатлив хумор, овој пат акцентот е ставен на напнатоста, неизвесноста и внатрешните конфликти на ликовите.

 

Приказната започнува во парохија во сојузната држава Њујорк, каде што заедницата е потресена од ненадејната и неразјаснета смрт на еден член. Ситуацијата станува доста посложена со доаѓањето на поранешниот боксер, а сега свештеник, Џад Дуплентиси, кој работи со Џеферсон Викс. Како што расте тензијата меѓу верниците, станува јасно дека заедницата се соочува со сериозни морални предизвици.

Како и во претходните филмови, Џонсон собра силна актерска екипа, комбинирајќи наградувани актери и ѕвезди во подем. Филмот успешно спојува црн хумор, сериозни драмски елементи и неочекувана длабочина.

Извор: Index.hr
Фото: Screenshot/YouTube