Често луѓето сметаат дека е невозможно да се одржува здравиот начин на живот и во канцеларијата, освен ако компанијата во која работите има посебна политика во овој поглед.

Во прилог ви нудиме неколку брзи и едноставни начини како да го одржувате телото, умот и духот силни на просечно работно место:

 

1. Чувајте си здрава ужина во близина: секогаш имајте јаткасти плодови (бадеми, ореви, лешници) близу до компјутерот.

2. Понесете си ручек од дома: ако си подготвите сендвич дома имате контрола што тој ќе содржи и ќе ставите намирници по ваш избор. Ова е во прилог на вашето здравје и паричникот.

3. Дружете се со луѓе што се хранат здраво: вака ќе си помогнете полесно да ги искористите нездравите навики.

4. Станувајте и истегнувајте се почесто: практикувајте барем 30 минути во работниот ден да поминете стоејќи. Притоа, пронајдете вежби што може да ги практикувате и додека седите на работната маса.

5. Практикувајте здрави навики на компјутерот: да се гледа во компјутерот цел ден е истоштувачки и за очите, вратот, грбот и главата. Правете неколку минутни паузи од екранот почесто.

6. Користете ги скалите: ако немате време во текот на денот за вежбање, обидете се почесто да користите скали наместо лифт.

7. Ако имате можност работете на отворено: затворена просторија полна со светла и екрани од компјутери не е најприродната локација. Ако имате можност појдете со лап топот на отворено.

8. Одвојте време за себе: не можете да работите постојано. Затоа одвојте неколку минути време само за себе резервирано за социјални медиуми, кафе пауза или разговор со колега.

9. Пијте многу вода: водата е од суштинска важност за здраво функционирање на телото. Може да се мотивирате со некое интересно шише или чаша за вода.

10. Купете си играчка за ослободување од стрес: ваквите предмети моментално ви го намалат стресот колку да звучи смешно.

11. Почнете традиција за раздвижување во канцеларијата: можете со колегите да практикувате 10-минутно одење во околината, или да имате пауза за чај.

12. Почесто гледајте низ прозорците: науката вели дека гледањето во дрвја и природа ослободува од стрес.

13.  Заменете го второто, третото или четвртото кафе со бескофеински чај.

14. Намалете ја музиката: ако слушате музика додека работите одберете таква што делува смирувачки и намалете го волуменот.

15. Дишете: најдете време во денот да застанете, да ги тргнете мислите од работата и да дишете подлабоко.

Изберете неколку здрави навики од предложените и практикувајте ги. Ќе бидете поенергични и загарантирано ќе се чувствувате поздраво.