Роботакси-возилата на „Тесла“ наводно биле вклучени во серија несреќи откако услугата започна во ограничен обем ова лето во Тексас, што предизвика загриженост дека самоуправувачките такси-возила сè уште не се целосно подготвени за условите на патиштата. Несреќите, кои се статистички почести од оние што вклучуваат човечки возачи и конкурентски роботакси-возила, се случуваат и покрај фактот дека сите автономни возила на „Тесла“ се опремени со безбедносни оператори, а новите информации фрлаат дополнителна светлина врз таа околност.

Спиење на должност

Дополнително сомневање за сигурноста на роботакси-услугата е поттикнато од прашањето за компетентноста на безбедносните супервизори на „Тесла“. Нивната улога е да седат во автомобилот и да бидат подготвени да ја преземат контролата доколку возилото се соочи со проблем, но се чини дека некои од нив не се на нивото на задачата.

Ова најдобро е илустрирано со една објава на платформата „Редит“, каде што еден корисник тврди дека супервизорот во неговото роботакси-возило во Сан Франциско заспал - три пати за време на едно возење. Патникот успеал да сними една од овие епизоди на спиење, а видеото што го објавил го покажува возачот како се наведнал кон воланот додека возилото се движело. Секојпат кога ќе заспиел, се вклучувал безбедносниот аларм на автомобилот, а алармот бил единственото нешто што го будело.

My Tesla Robotaxi “safety” driver fell asleep
byu/ohmichael insanfrancisco

Корисникот напишал дека веднаш го пријавил инцидентот до тимот за поддршка на „Тесла“ преку апликацијата. Тој нагласил дека имал видеодокази за непријатниот инцидент, но никогаш не добил одговор од компанијата, па затоа решил сè да објави јавно. Чекал повеќе од една недела за да објави, сакајќи да ѝ даде шанса на „Тесла“ приватно да одговорат на жалбата, но бидејќи немало одговор, заклучил дека ова е сериозен проблем и дека јавноста треба да знае за инцидентот.

Приказната потоа била потврдена кога се јавил друг корисник на „Редит“, тврдејќи дека имал ист случај, кога неговиот безбедносен возач исто така спиел поголемиот дел од патувањето. Сè уште се чека официјален одговор од „Тесла“.

Извор: autonet.bug.hr

Фото: Reddit screenshot