Американската Национална фондација за наука (НСФ) објави податоци кои покажуваат дека во светот во 2018 година биле објавени 2.555.959 научни и инженерски статии, што е значителен раст од оние 1.755.850 забележани пред една деценија.
Глобалната истражувачка продукција во тој сектор се зголемувала за околу 4 отсто годишно во текот на изминатите десет години и забележително е тоа што стапката на раст на Кина е двојно поголема од светскиот просек. Додека во 2008 година предводници беа САД, тие сега се тргнати од водечката позиција од страна на Кина.
Во 2008 година САД објавиле 394.979 научни и инженерски статии во рецензирани списанија, а Кина објавила 249.049. Но, Кина преклани објавила 528.263 статии, а САД 422.808.
На третото место се најде Индија со 135.788 објавени
статии.
Колективната продукција на Европската Унија е 622.000 научни статии, што значи дека таа е одговорна за речиси една четвртина од вкупниот број. Кина сочинува 20,67 отсто, а САД 16,54 отсто.
Фото: weforum