Американскиот претседател Доналд Трамп учествуваше во маратонско читање на Библијата што го организираа христијанските конзервативци, по неговиот судир со папата Лав Четиринаесетти и неодамнешното објавување на сликата на која е прикажан како Исус.

Трамп читаше извадоци од Стариот завет во рамките на настанот „Америка ја чита Библијата“ во Музејот на Библијата во Вашингтон. Христијанските конзервативци во САД често ги користат тие извадоци и ги толкуваат како повик до луѓето на покајание и до Бога да ја благослови нацијата. Многу јавни личности учествуваат во неделното редовно читање на целата Библија, кое започна на 18 април.

Американскиот Устав ѝ забранува на владата да воспостави една религија како национална, меѓутоа, администрацијата на Трамп го прифати движењето кое го гледа христијанството како клучен сегмент во основањето на САД и смета дека лидерите треба да ја следат Библијата. Министерот за одбрана Пит Хегсет, на пример, цитира извадоци на конференции за медиуми, а исто така води молитви во тој ресор.

Предвидено е за време на неделниот настан за читање, кој е темпиран да ја одбележи 250-годишнината од независноста на САД, и други истакнати конзервативци и членови на администрацијата да читаат извадоци. Меѓу нив се и Хегсет и државниот секретар Марко Рубио. Организаторите велат дека тоа ќе поттикне враќање кон духовните темели кои ја обликуваа земјата.

Делот на Трамп е претходно снимен во Овалната соба на Белата куќа