Тој не може да гласа. Не е доволно возрасен ни за да полага за возачка дозвола. Но, Вилијам Малис веќе има диплома од колеџ.
(
Фото: CNN)
Во саботата Вилијам (11) ја доби својата диплома од колеџот „Ст. Петербург“ на Флорида.
„Сосема сум фасциниран од Вилијам и од трудот што го покажа“, изјави претседателот на колеџот за
Си-ен-ен.
„Тој е исклучително брилијантен, многу отворен и комуникативен“, додаде директорот.
Вилијам беше најмладиот ученик што учествувал на саботната церемонија.
Тој се запишал на колеџот во 2016 година, откако го завршил средното училиште на 9-годишна возраст. Неговите родители велат дека тој отсекогаш бил на „брза лента“. На 2 години веќе работел едноставна математика, а на 4 научил алгебра.
„Секој има дар од Бога, јас сум надарен со знаење од наука и историја“, истакна Вилијам.
Што е следно?
Тој планира да го продолжи школувањето и следниот месец ќе почне да учи на Универзитетот во Јужна Флорида.
„Сакам да бидам астрофизичар.“
Неговата цел е да заврши докторат до 18-тата година, кога повеќето се запишуваат на колеџ.