Градскиот совет на Сан Франциско гласаше привремено да биде забранета продажбата на електронски цигари. Таква мерка првпат се воведува во американски град, јави ДПА.
Забраната гласи: „Во Сан Франциско никој нема да има право да продава или дистрибуира електронски цигари на никого“, освен ако производот е проверен и одобрен од Управата за контрола на храна и лекови.
Претходно овој месец Управата издаде директива според која производителите на електронски цигари треба да аплицираат за одобрување пред да почнат да ги продаваат своите производи.
Забраната влегува во сила по потпишувањето од градоначалникот, но се очекува да почне да дејствува целосно за околу половина година.
Извор: МИА