Започна декември, а со тоа почнуваат да се прикажуваат и многу празнични филмови на телевизиите. Ваквите филмови се достапни и на платформата „Нетфликс“. Но, на оваа платформа месецов ќе пристигнат и повеќе филмови и серии од други жанрови кои се во продукција на „Нетфликс“.

Меѓу другото, од 1 декември може да се гледа филмот „Мај-декември“ (May December), со ѕвездите Чарлс Мелтон, Натали Портмен и Џулиен Мур.


Во „Остави го светот зад себе“ (Leave the world behind), на 8 декември, луксузно семејно патување е уништено поради сајбер-напад и чудно појавување на двајца странци.


На 14 декември, серијата „Круната“ (The crown) конечно ќе заврши со излегувањето на вториот дел од последната, шеста сезона.


Меѓу божиќните наслови, на 6 декември ќе пристигне „Божиќ како и обично“ (Christmas as usual), а на 7 декември ќе ја гледаме втората сезона од „Го мразам Божиќ“ (I hate Christmas).


Се очекуваат и стендап-комедии, како оние со Кевин Харт и Крис Рок, Тревор Ноа, и Рики Џервејс.

На 29 декември излегува серијата „Берлин“, спиноф на популарната серија „Куќа од хартија“ (La casa de papel).


Извор: Time
Насловна фотографија: Pixabay