Што му дава предност на еден кошаркарски тим - хемијата меѓу играчите, искуството на стручниот штаб, лидерот на тимот? Една нова студија, објавена во „Журналот за спортска економија“, покажува дека клучот за победата лежи во добрата анализа. Имено, откако ги прочешлале и споредиле податоците за секој од 30 НБА-тимови од 2009 до 2023 година, истражувачите на МИТ заклучиле дека тимовите што имале повеќе аналитичари на располагање и вложиле повеќе во анализа на податоците имале поголем успех.

Статистиката покажува дека во 2009 година имало вкупно десет аналитичари на податоци што работеле во НБА, а во 2023 година нивниот број пораснал на 132, при што некои тимови вработиле повеќе аналитичари од другите. Бројот на вработени во одделот за аналитика имал позитивен и статистички значаен ефект, дури и кога биле земени предвид факторите како што се платите, искуството и хемијата меѓу играчите, постојаноста на стручниот штаб и повредите на играчите во текот на сезоната. Дури и со сите овие влијанија, длабочината на клупата на тимот за анализа на податоци останува постојан предвидувач за победите на тимот.

фотоизвор: Приказ на фактори потребни за една дополнителна победа и нивната цена/Хенри Ванг, Арнаб Саркер и Анет Хосои

Вредноста на аналитиката

Вредноста на аналитиката за кошарката врз основа на нејзиното влијание врз тимските победи може лесно да се измери: на секои четири петтини од податоците на аналитичарот тимот добива една дополнителна победа во сезоната. За споредба, тимот може да постигне дополнителна победа со зголемување на платата за 9,6 милиони долари. Тоа значи дека влијанието на еден аналитичар на податоци вреди најмалку девет милиони долари, иако ниту еден од нив не заработува ни приближно толку.

- Аналитичарите сè уште се многу потценети - предупредуваат истражувачите, кои велат дека резултатите од нивното истражување се релевантни надвор од НБА, за кошарката на колеџ, за спортот воопшто и пошироко.

- Веројатно постои ограничување за ангажирање стотици аналитичари и тие сигурно нема да ве доведат до 82-0. Но, факт е дека многу тимови не ја искористија целосно конкурентската предност што ја нуди аналитиката - заклучиле тие.

Извор: bug.hr

Фото: Freepik