Експертите велат дека нашите соништа се допир со нашата потсвест. Има луѓе кои воопшто не се сеќаваат што сонувале, па дури и мислат дека немаат соништа.

Психијатарот и психотерапевт Владета Јеротиќ во една пригода објаснил што би можело да биде причината за тоа.

- Луѓето кои ги забораваат своите соништа не сакаат да се запознаат себеси. Всушност, тоа значи дека не сакаат да го запознаат своето негативно ЈАС. Не е добро кога луѓето велат дека не се сеќаваат на соништата, а има и такви што велат дека воопшто не сонуваат. Нема луѓе што не сонуваат, науката го докажала тоа. Човек сонува секоја вечер и не мора да се сеќава на секој сон, а обично се паметат утринските соништа. Не е добро да помине еден месец или два-три, а ниеден свој сон да не сте запаметиле. Тоа би било како избегнување да се препознае некој негативен дел во себе - рекол тој.

Деирдре Барет, професорка по психологија на „Харвард“ и автор на книга за квалитетно спиење и сонување, истакнува дека соништата се јавуваат откако ќе влеземе во РЕМ-фазата од сонот.

- Луѓето што се склони на аналитичен поглед на светот и размислување - почесто се сеќаваат на своите соништа, за разлика од оние што се фокусирани на некаква цел. Ако се разбудите на крајот од РЕМ-фазата, кога телото се подготвува за втората фаза од сонот, најмногу ќе се сеќавате на вашите соништа - вели таа.

Извор: Klix.ba

Фото: Pexels