Малкумина ги сакаат, а повеќето би ги прескокнале работните состаноци доколку можат. Според Дона Мекџорџ, авторка на книга за состаноци, дел од проблемот со состаноците е тоа што луѓето не размислуваат доволно за нив.

- Луѓето не се свесни за нив. Стана вообичаен начин на функционирање. Кога ќе се појави проблем, првиот инстинкт е да се оди на состанок. Луѓето не се подготвени и потоа се чувствуваат должни да поканат многу луѓе - вели Мекџорџ.

Во многу случаи, информациите споделени на состаноците можеле да бидат споделени и преку електронска пошта или друг начин на електронска комуникација. Меѓутоа, кога станува збор за состаноците кои се неопходни, Мекџорџ препорачува скратување на времето.


Иако состаноците најчесто траат еден час, според неа, идеалното времетраење на еден работен состанок е 25 минути. Ова време е инспирирано од методот на Франческо Сирило, кој тврди дека 25 минути се оптималниот период за задржување на фокусот на учесниците.

Мекџорџ додава и дека на подолгите состаноци големи се шансите дека ќе се најдат теми за дискусија кои се непотребни, а се отвораат само за да се пополни времето. Според неа, бројот на учесници исто така игра улога.

- Колку повеќе луѓе се вклучени, толку помалку продуктивни сме - вели Мекџорџ.

Таа препорачува одржување состаноци со најмногу 7 луѓе.

- Моментот кога ќе имате повеќе од 7 луѓе, нема да го добиете придонесот од секој учесник - вели таа.

Извор: Fast company
Насловна фотографија: Pixabay