Зад навалата на нискоквалитетна содржина генерирана од ВИ стојат компании кои главно ја произведуваат заради инвеститорите, а не заради слушателите.

„Гугл“ во 2024 година ги претстави аудиорезимеата во рамките на својата алатка Ноутбук ЛМ, а идејата вештачката интелигенција да генерира поткасти тогаш се чинеше како интересен експеримент. Денес тоа повеќе не е експеримент, туку тренд: според податоците од „Поткаст индекс“, содржината генерирана од ВИ сочинува околу една третина од сите нови канали за поткасти.

Овој тренд означува континуиран прилив на огромна количина вештачка аудиосодржина за речиси секоја тема, меѓутоа, останува нејасно кому му е наменета сета таа содржина и колкава е вистинската побарувачка за неа.

Реториката на компаниите што стојат зад тие проекти често е насочена кон инвеститорите, а не кон слушателите. Џенин Рајт, директорка на „Инсепшн поинт ВИ“), минатата година изјави дека верува оти во блиска иднина половина од луѓето на планетата ќе бидат ВИ, додавајќи дека нивната компанија е таа што ќе ги „оживее тие луѓе“.

Индустрија што произведува илјадници емисии

Според претходните податоци, „Инсепшн поинт ВИ“ произвела околу 5.000 емисии, со продукција од приближно 3.000 епизоди неделно. Во меѓувреме, бројот на активни емисии порасна на околу 10.000, а темпото на производство се задржа на слично ниво.

Примерите на содржини покажуваат колку е ниско поставена границата бидејќи меѓу емисиите се наоѓаат и поткасти кои обработуваат многу тривијални теми, како што е дефиницијата на само еден збор.

Постои ли вистинска публика?

Одговорот засега не е еднозначен бидејќи некои ВИ поткасти сепак успеваат да привлечат внимание. На пример, „Епстин фајлс“ (Epstein Files), проект на авторот Адам Леви, успеа привремено да влезе на листите што ја мерат популарноста на поткастите објавувајќи по две епизоди дневно. Леви го објасни својот пристап: „Луѓето сакаат содржина без излишни работи – само факти и јасно објаснување“. Таквиот модел покажува дека дел од публиката не бара авторска или креативна содржина, туку брз начин на примање информации.

Сепак, интересот може да биде краткотраен и наведениот поткаст престана со објави во март.

Уделот на ВИ содржината продолжува да расте

Податоците ги покажуваат размерите на промената: во еден момент дури 39 проценти од новите поткасти во еден ден биле генерирани од вештачка интелигенција. Моменталните бројки се нешто пониски, околу 35 проценти, што и понатаму значи стотици нови ВИ поткаст-канали дневно.

Информации наместо содржина