Шпанскиот синџир на продавници „Индитекс“, сопственик на „Зара“, планира до 2020 година да ја пресели продажбата на сите свои брендови на интернет. Ќе бидат вклучени и оние пазари на кои нема ниедна физичка продавница.

Синџирот одлучи да ги развива новите технологии, здружувајќи ги силите со технолошките компании и тестирајќи нови методи за управување на резерви.

Извршниот директор Пабло Исла најави дека системот на нарачување облека преку интернет и покривање на нарачките од физички продавници ќе се прошири во сите 96 земји во кои „Индитекс“ има физички продавници.

Брендовите на „Индитекс“ ги вклучуваат „Пул&Бер“, „Масимо Дути“, „Бершка“, „Страдивариус“, „Ојшо“ и „Утеркју“ и продажба низ мрежа од 7.500 физички продавници.

- Сакаме модните колекции да им бидат достапни на сите наши корисници низ светот. Дури и на пазари на кои моментално не постојат нашите продавници - изјави Пабло.