Уште од четири години, кога првпат го видов дедо ми како игра шах со неговиот сосед, ми се допадна играта и ми го привлече вниманието. Оттогаш речиси секој ден играм шах или решавам шаховски задачи, вели Андреи Калин, шестоодделенец од Скопје, актуелен шампион во шах за негова возраст. Тој е ученик во училиштето „Јахја Кемал“ во Скопје, каде што изучувањето на шахот е рамноправен предмет со сите други во наставата.

На последниот Државен натпревар за деца и младинци, кој се одржа во Охрид кон крајот на август, Андреи се натпреваруваше во групата за момчиња до 12 години. Иако конкуренцијата беше голема, а натпреварот – неизвесен докрај, сепак, го освои првото место.

Прочитајте повеќе на ДЕЦА.МК