Мајкл Џексон официјално стана првиот изведувач присутен на листата „Билборд хот 100“ во секоја деценија уште од 70-тите години.

Со новото појавување во текот на оваа деценија Џексон сега има песни на листата „Хот 100“ во шест различни децении: 11 песни во 70-тите, 20 во 80-тите, 12 во 90-тите, четири во првата деценија на овој век, четири во втората и сега една во оваа деценија.

Неговото најново појавување на листата е со песната „Chicago“, која е на 30. место на листата објавена на 6 јуни.

Песната првично беше објавена на постхумниот албум „Xscape“ во 2014 година, речиси пет години по смртта на кралот на попот во 2009 година. Таа им се придружува на другите песни од албумот „Xscape“: „Love Never Felt So Good“, во која гостува Џастин Тимберлејк и која стигна до 9. место, како и „Slave to the Rhythm“, која се искачи до 45. место, како песни од тој проект што влегле на листата „Хот 100“.

Така, „Chicago“ стана 52. хит на Џексон на листата „Хот 100“ како соло-изведувач, сметајќи од „Got to Be There“ од 1972 година. Ова е негово прво појавување на листата по песната „Don't Matter to Me“ на Дрејк, во која гостува Џексон.

„Chicago“ влезе на листата главно благодарение на наглиот раст на стримингот, поттикнат од обновениот интерес за музичкиот каталог на Џексон додека биографскиот филм „Мајкл“ доминираше во кината.

Интересно е што „Chicago“ никогаш не бил меѓу најголемите хитови на Џексон во времето кога првпат беше објавена, ниту пак се појавува во филмот. Песната доби нов живот преку социјалните мрежи, особено на „Тик-ток“, каде што им беше претставена на нова генерација слушатели.

На најновата листа „Хот 100“ „Chicago“ моментално е втората најдобро пласирана песна на Џексон, веднаш зад „Billie Jean“, која се наоѓа на 19. место. Пред неа се и „Human Nature“ на 31. место и „Don't Stop 'Til You Get Enough“ на 43. место.

Извор: 021.rs
Фото: Screenshot/YouTube