Во Обединетото Кралство почнува да се продава пилула која може да им помага на луѓето да се разбудат без мамурлак по прекумерно пиење во текот на ноќта.

Лекот наречен „миркл“ (Myrkl) треба да им помогне на луѓето да се чувствуваат свежи наутро со тоа што ќе го забрза разложувањето на алкохолот пред тој да стигне до црниот дроб. Се препорачува да се земат две пилули најмалку еден час пред пиењето алкохол за да има максимален ефект.

Пилулите го разложуваат алкохолот најмногу 12 часа. Суплементот не може да се купи во аптеките, но може да се порача онлајн, а едно пакетче со 30 пилули чини 30 фунти.

Според истражување спроведено од произведувачот на пилулата заедно со шведската фармацевтска фирма „Де фер медикал“ и Институтот за наука и здравје „Фицнер“, пилулите ја намалиле концентрацијата на алкохол во крвта за половина во првите 30 минути по пиењето, а 70 отсто во првиот час.

Пилулата била измислена во 1990 година од шведскиот научник Јохан де Фер и се развивала над 30 години.

Извор: Independent
Насловна фотографија: Pixabay