Некаде помеѓу Антарктикот и островот Тасманија се наоѓа мало парче земја кое е од големо значење, а е малку познато. На островот Меквари никогаш трајно не се населиле луѓето, но бил дестинација на многу истражувачи, а претходно и на риболовци.

Островот им е добро познат на геолозите, а причината за тоа е бидејќи тој е едно од малкуте места на Земјата на кои карпи од Земјиниот плашт се излезени над нивото на морската површина. Островот е резултат на истите геолошки процеси како и Хималаите. Хималаите се создале кога тектонската плоча на која лежи Индискиот Потконтинент се судрила во тогашниот суперконтинент, пред 50 милиони години.


На сличен начин, островот Меквари се појавил при судар помеѓу Индо-австралиската плоча и Тихоокеанската плоча. Највисоката точка на островот Меквари е висока 410 метри, но на островот може да се видат делови од океанската Земјина кора и делови од Земјиниот плашт над морското ниво.

Истражувачите ги користат овие карпи за истражувачки цели. На островот може да се видат карпи кои биле на длабочина од 5 километри под морската површина.

Островот бил откриен од Фредерик Хаселборо, кој го прогласил за британска територија. Тој пронашол остатоци од брод, поради што се претпоставува дека на островот живееле и други луѓе. Хаселборо открил и огромна колонија на кралски пингвини, албатроси и многу фоки. Биодиверзитетот се сменил на островот како што луѓето почнале ја експлоатирале природата. Последните години Австралија прави напори за зачувување на домородните видови на островот.

Извор: atlasobscura.com