Високото образование повеќе не се поврзува само со математика, историја или хемија. Од поп-икони до зомби, денешните универзитети нудат некои од најкреативните и најнеконвенционални предмети што го спојуваат академското знаење со поп-културата, науката и вештините за реалниот свет.

Наука за Хари Потер на Државниот универзитет Фростбург, САД

Овој предмет навлегува длабоко во магичниот свет на Хари Потер и користи фантастични елементи од серијата за да објасни научни теории од реалниот свет. Студентите истражуваат генетика, термодинамика и современи технологии низ магична перспектива.

Литература: Верзијата на Тејлор Свифт на Универзитетот „Гент“, Белгија

Овој предмет ги анализира текстовите од песните на Тејлор Свит како современи литературни текстови. Истражува теми како кршење на срцето, феминизам, раскажувачка перспектива и идентитет, споредувајќи ги нејзините текстови со класичните поети и модерните автори.

Зомби апокалипса: Преживување катастрофи на Државниот универзитет Мичиген, САД

Користејќи ја зомби апокалипсата како метафора, овој предмет ги учи студентите за катастрофи во реалниот свет, како и подготовките, планирањето на јавното здравје и менаџментот за време на криза. Студентите истражуваат како општествата реагираат на пандемија и природни катастрофи.

Видеоигри и раскажување на Институтот за технологија во Масачусетс, САД

Овој предмет ги истражува наративните структури во видеоигрите и како игрите раскажуваат приказни преку развивање на ликовите, изборот на играчите, механиките на играта и дизајнот на природната средина.

Јазикот на вонземјаните на Универзитетот во Калифорнија, Беркли, САД

Овој предмет ги изучува измислените јазици како клингон и елвиш и анализира како се изградени измислените јазици вклучувајќи ги граматиката, синтаксата и фонетиката.

Шпионажа и шпионски вештини во современиот свет на Универзитетот во Њу Хемпшир, САД

Од сајбер-шпионажа од Студената војна, овој предмет ги истражува историјата и техниките на операциите на разузнавачките служби. Студентите проучуваат студии на случај, гледаат шпионски филмови, анализираат шпионски тактики и симулираат шпионски мисии.

Психологија на кучињата на Универзитетот „Дјук“, САД

Овој психолошки курс проучува како размислуваат кучињата. Темите вклучуваат решавање проблеми, емоции, комуникација и еволуцијата на односите помеѓу луѓето и кучињата.

Извор: Timesofindia.com
Фото: Freepik