Ако сакате нешто да направите –
одете до крај. Во спротивно, не ни почнувајте.
Тоа би можело да значи дека ќе ја загубите девојката, жената, роднините, професиите, и веројатно – главата!
Би можело да значи дека нема да јадете два, три, четири дена...
Би можело да значи дека ќе смрзнувате на клупа во паркот. Може да ви донесе и затвор, подбив и исмејување, или изолација...
Изолацијата е подарок, сè друго е тест на вашата издржливост... на вашите желби тоа вистински да го направите.
А вие ќе успеете.
Наспроти одбивањето и нереалните шанси, ќе биде подобро од сè што можете да замислите.
Ако се обидувате – одете до крај!
Нема слично чувство, ќе бидете сами со боговите, а ноќите ќе бидат распламтени. Ќе јавате на животот сè до совршената насмевка. И тоа е единствената борба за која вреди да се трудите!