Европската Унија работи на закон познат како „Чет-контрол“, чија цел е да се справи со педофилијата на интернет. Ако предлогот се усвои на 14 октомври, апликации како „Вајбер“, „Сигнал“ и „Вацап“ ќе мора да ги скенираат сите пораки, линкови и фотографии на корисниците, дури и кога се заштитени.

Дел од земјите членки на ЕУ сметаат дека ова ќе ја зајакне заштитата на децата, додека други предупредуваат дека може значително да ја загрози приватноста на корисниците. Експертите сметаат дека увидот во комуникацијата би можел да помогне во идентификацијата на предаторите и спречување злоупотреби. Сепак, постои ризик од прекумерен надзор и злоупотреба на таквите мерки.