Со години Леонардо ди Каприо немаше добиено „Оскар“ за своите фасцинантни улоги, додека не ја доби наградата за најдобар актер во главна улога за изведбата во „Повратник“ (The revenant). Но остануваат други талентирани актери што сѐ уште не добиле „Оскар“, како следните.

Вилем Дафо

Некои од филмовите во кои тој имал впечатливи улоги се „Американски психопат“ (American psycho), „Спајдермен“ (Spiderman), „Гранд хотел 'Будимпешта'“ (Grand Budapest Hotel) и „Светилникот“ (The lighthouse). Тој бил номиниран за „Оскар“ четирипати, но не ги освоил.

Вуди Харелсон

Уште едно име кое има многу хитови зад себе, меѓу кои и „Луѓето наспроти Лери Флинт“ (The people vs. Larry Flint), „Игрите на гладните“ (Hunger games) и „Седум психопати“ (Seven psychopats), но ниту еден „Оскар“ во рацете. Академијата го номинирала за „Оскар“ трипати.


Ејми Адамс

Таа досега има 6 номинации, меѓу кои дел се за најдобра главна улога, а дел за споредна улога. Позната е по улогите во „Американски измамници“ (American hustle) и „Човек од сенка“ (Vice).

Едвард Нортон

Од „Исконски страв“ (Primal fear) до „Борачки клуб“ (Fight club) и „Човекот - птица“ (Birdman) - во неговите раце можел да се најде барем еден „Оскар“. Но, иако бил номиниран трипати, досега не ја добил наградата.


Виго Мортенсен

Тој досега добил три номинации за најдобра главна улога, но не освоил ниту еден „Оскар“. Го помниме по улогите во „Историја на насилството“ (History of violence) и „Зелената книга“ (Green book).

Вил Смит

Тој има две номинации за најдобар актер, но своите актерски способности ги покажал во многу филмови, како „Денот на независноста“ (Independence day), „Јас, робот“ (I, robot) и „Јас сум легенда“ (I am legend).


Извор: Idesh
Фото: Pixabay