Бегството во нов живот од загадениот центар на Каиро, оддалечен 35 километри, е резервирано за оние што можат да си го дозволат тоа.

Создавачите на проектот својата идеја ја промовираат како „влез во нов град, нов стил на живот, нова заедница и ново светско седиште на атракцијата“.

Се предвидува алтернативниот главен град да се простира на 700 квадратни километри, што е речиси колку Сингапур, каде што би живееле пет милиони жители.

Планот прикажува пространи високи станбени згради, како и „владин кварт“, сместени околу централната „зелена река“ – комбинација од вода и засадено зеленило со големина дупло од Централ парк во Њујорк.

Проектот е осмислен како решение за каирскиот проект со чистотата и како вовед во посветла иднина. Повеќето владини згради, вклучувајќи ја и онаа на претседателот, би требало да се преселат на новата локација до јуни 2019 година.

Се планира преселување и на седиштата на странските амбасади, како и деловни квартови кои би вклучувале 20 облакодери.