И додека повеќето родители викендот го поминуваат со своите деца во парк, на игралиште или во зоолошка градина, Кинезите своите најмалечки ги носат на разгледување на луксузни вили.

Конкуренцијата во Кина е огромна, а тоа не е чудно со оглед на тоа што населението е преку милијарда. Затоа е доста важно тие да ја зграпчуваат секоја можност за да бидат во предност пред останатите, без разлика дали станува збор за затворски систем на образование или викенд тури по луксузни вили. Токму ова второто е огромен хит меѓу кинеските родители, кои своите деца повеќе не ги нсоат во парк туку во посета на разни одморалишта со недвижнини вредни преку милион долари. Крајната цел е да им покажат колку животот може да им биде убав кога се богати и успешни и на ваков начин да им се приближи важноста на квалитетното образование.