Секоја година, „Transparency international“ објавува листа од земји според индекс на корупција врз основа на мислења на експерти од целиот свет.

Индексот го мери нивото на корупција во јавниот сектор. Слабиот резултат е знак за поткупувања, недостаток на казни за корупција и незаинтересираност на јавните институции за потребите на жителите.

Најмалку корумпирани земји според индексот се Данска, Нов Зеланд, Финска, Шведска и Норвешка, додека најкорумпирани се Ирак, Јужен Судан, Авганистан, Судан, Северна Кореја и Сомалија.

Од 170-те земји на листата, Македонија се наоѓа на 64-то место според корумпираност.


Според индексот, поголема корумпираност има во Бугарија, Црна Гора, Србија, Албанија и Босна и Херцеговина кога станува збор за регионот.