Антарктикот зафаќа површина од речиси 14 милиони квадратни километри - речиси колку Европа. Тоа е место кадешто живеат најмалку луѓе, а причината се ниските температури, кои може да се спуштат и под -90 степени, како и ветровите кои достигнуваат брзина од 80 километри на час.

Населението на Антарктикот изнесува 1.000 во зима и 4.500 во текот на летото. Но, водите и мразот таму се дом на некои од најимпресивните риби, птици, китови и фоки. Италијанскиот фотограф Алекс Бернасони патувал на Антарктикот за да ги фотографира токму овие животни заборавени од цивилизацијата.