Додека пожарникарите во Париз се борат со огнот
што ја зафати Богородичната црква, позната како Нотр Дам, на социјалните мрежи се појавуваат сѐ повеќе тажни снимки и фотографии.
Една од нив е фотографијата направена од дрон, на која може да се види пожарот.
Постојано се објавуваат и снимки од луѓе како пеат во близина на катедралата зафатена од оган.
Некои луѓе споделија и факти за катедралата. Така, новинарот Нил Кинг на „Твитер“ напиша дека таванот на Нотр Дам содржел 13.000 дабови дрва исечени во 12 век. Тоа би било цела шума.
Во меѓувреме, можеби најсподелуваните слики на социјалните мрежи беа оние на кои беше илустриран Квазимодо како ја гушка катедралата.
Погледнете уште некои од највпечатливите, а воедно и најтажните фотографии од пожарот.