Иноватори што порано работеле за „Епл“ претставија нов паметен уред наречен „хјумејн“, кој е вооружен со вештачка интелигенција и технологија за која творците веруваат дека може да ги потисне паметните телефони. „Хјумејн“ е наменет за уште поинтелигентна и полична иднина, велат Имран Чаудри и Бетани Бонџорно.

Она по што овој уред се разликува е тоа што се активира со глас и потоа сѐ се проектира на дланката на корисникот, од пораки до повици. Така, според креаторите, се отстранува потребата за постојано гледање во екран, но и физичките ограничувања на екраните чувствителни на допир.