Сите се соочуваме со лица кои често доцнат или пак ние самите се вбројуваме во таа група. Но, доцнењето може да се објасни.


Перцепциите на лицата кои доцнат се речиси секогаш негативни, иако се скриени. Лесно е да гледаме на нив како на неорганизирани, хаотични, непристојни индивидуи, но многумина од нив сакаат само да бидат задоволни и нивните пријатели, и семејството и претпоставените. Често се користат и изговори. Се разбира, некогаш доаѓа до болест или несреќен случај кој го спречува лицето да биде на време, но некои луѓе ќе речат дека има многу поголеми проблеми со кои се соочуваат, па не му даваат толку големо значење на времето.

Ако некој константно доцни, може едноставно е таков тип на човек. Тие луѓе обично се анксиозни и имаат ниско ниво на самоконтрола. Експертите сметаат и дека лицата што постојано доцнат имаат проблем со преголемото обрнување внимание на детали. Исто така, ниската самодоверба може да ги наведе лицата да бидат самокритични во врска со своите способности, па тоа да предизвикува често проверување на сработеното, што се разбира дека одзема време. И депресијата често е причина за немање енергија, па со тоа и помала желба за поместување и преземање на некакво дејство.

Експертите велат дека лицата кои доцнат треба да се постават на местото на оние кои ги чекаат и да се обидат да постават граници. Да ги идентификуваат причините поради кои доцнат и да се обидат да ја променат таа лоша навика.