Триесетина ученици од едно средно училиште во британскиот град Ексетер на училиште се појавиле во мини здолништа, бидејќи не им било дозволено да носат кратки пантолони на жешкото време.

Учениците од академијата „ISCA“ побарале дозвола својата училишна униформа да ја прилагодат и поради топлото време да носат кратки пантолони. Според нивните зборови, идејата за протестот ја добиле од самата директорка на училиштето.

Учениците се надеваат дека со овој протест ќе го натераат училиштето да размисли за својата политика за облекување. Училишните прописи за униформата велат дека момчињата треба да носат пантолони, а девојчињата пантолони или карирани мини здолништа. Кошулата може да се извлече од пантолоните само доколку учениците се наоѓаат во училницата, а истото важи и за краватата.