Свечениот прв академски час на Универзитетот „Гоце Делчев“ во Штип ќе почне денеска во 11 часот, во салата на Центарот за култура „Ацо Шопов“. Пред бруцошите на УГД ќе се обрати ректорот, Блажо Боев. Потоа ќе с еодрѓи културно-уметничкиот дел од програмата. Ќе настапат студенти од Музичката академија при УГД, нејзиниот декан Антонијо Китановски, како и Васил Хаџиманов, Никола Ристановски и Гоце САФ.

Свеченост за првиот академски час ќе се организира и во наставните центри на УГД во Скопје, Кавадарци, Струмица и во Прилеп, исто така со почеток во 11 часот.

УГД ги поканува сите бруцоши да присуствуваат на првиот академски час и заедно да го започнеме нивниот пат кон нови знаења и кон академската заедница.

На Универзитетот годинава ќе студираат околу 1.300 нови студенти кои ќе ја следат наставата на различните студиски програми.