Без разлика дали имате познавања од архитектурата, историјата, културата или едноставно барате убави визуелни искуства, ова видео ќе ве воодушеви и ќе ве инспирира за нови патувања.

На „Јутјуб“ се појави видео кое нуди визуелно патување низ Виена во неверојатна 8К-резолуција. Во ова видео можете да видите необични делови од еден од најубавите градови во Европа.

Неговата величествена архитектура, историските улици и шармантните плоштади го одземаат здивот, а ќе ги воодушеват сите оние што веќе ја посетиле Виена или планираат да ја посетат.

За потсетување, минатата година, според изборот на британскиот магазин „Монокол“, Виена беше оценета како најдобар град за живеење. Австриската метропола оствари голем напредок искачувајќи се од 7. на 1. место на истоимената листа во период од една година.

Виена се најде на првото место поради јавниот превоз, кој постојано се проширува, но и одличната инфраструктура. Чувството на безбедност поради најниската стапка на криминал во последните 20 години, како и достапното домување или културните и рекреативните активности се исто така фактори вклучени во евалуацијата на квалитетот на животот во градовите.

Фото: Freepik