Повеќегодишната регионална аспирација за здружување на силите конечно се реализира на 27 јуни со формирање на Вселенската асоцијација на Југоисточна Европа СЕСА (SESA -  Southeast European Space Association), која веќе го имаше првиот заеднички работен состанок, а на 10 јули дефинира заедничка акциона стратегија и започна со својата реализација.

Оваа асоцијација ја сочинуваат: Центар за образование и роботика, иновации и технологија од Мостар, претставена од Анес Хаџимеровиќ, Дени Ајаниќ, Армин Ѓиделија и Санел Бабиќ, Српскиот комитет за развој на вселенска програма, претставен од Душан Радосављевиќ и Ивана Радојичиќ, Центарот за вселенски истражувања од Црна Гора претставен од Никола Перовиќ, Нина Дракулиќ и Филип Јовановиќ, Хрватската асоцијација за воздухопловство претставена од Слободан Данко Босанац и Данко Кочиќ, и Центарот за иновации и технолошки развој од Македонија претставен од Ален Куљеван, како и истакнати поединци од споменатите земји.


Така, овие југословенски земји, благодарение на разбирањето и поддршката од индиските партнери (Асоцијација на индиски технолошки конгрес - ITCA), ќе го лансираат заедничкиот сателит СЕСА во вселената заедно со Индиската вселенска агенција на крајот од оваа година.

Досега сите земји-членки работеле самостојно.

Сепак, сфатија дека заедно можат многу повеќе и дека индивидуалните достигнувања не се доволно брзи, а заедно можат да постигнат повеќе за многу пократко време за граѓаните од регионот да ги почувствуваат придобивките од соработката и користењето на вселенската технологија.

Оваа иницијатива во меѓународните кругови наиде на сериозно одобрување, најмногу од Индија, која како дел од прославата на 75-годишнината од независноста ќе лансира 75 сателити во вселената, а еден од нив ќе биде СЕСА.