Регионалното истражување е спроведено во Македонија, Хрватска и Црна Гора, каде што се одржуваше регионалниот eSports турнир
Финалето на eSports турнирот ќе се одржи во Загреб на 19 ноември
Видеоигрите се неизоставен дел од секојдневието, а повеќе од 70% од активните корисници играат повеќе од 10 години, покажа регионалното истражување кое го спроведе Телеком помеѓу е-спорт ентузијастите во Хрватска, Македонија и во Црна Гора. Истражувањето е спроведено помеѓу испитаници кои редовно играат видеоигри на возраст од 18 до 40 години.
Испитаниците ги истакнале како позитивни аспекти на играњето: стратешкото размислување (83%), запознавањето нови луѓе (61%) и развивањето креативност (56%). Се покажа дека секој петти вљубеник во е-спорт го гледа играњето како можност за подобрување на дигиталната писменост и повеќе од 85% од нив имаат одлични или многу добри резултати на училиште или факултет. 80% од испитаниците се чувствуваат среќно додека играат, а 75% од нив активно се социјализираат во виртуелниот свет и преку играњето видеоигри стекнале нови пријатели.
Исто така, 50% од младите играчи сметаат дека играњето ги зајакнува фокусот и рефлексите, аналитичноста и ориентацијата. 45% го гледаат е-спортот како можност за дополнителен приход, а 34% сакаат професионално да се занимаваат со е-спорт.
Но и покрај масовноста и распространетоста на видеоигрите, дури 80% од младите се соочуваат со предрасуди од околината за гејминг индустријата и е-спортот.
- Истражувањето спроведено меѓу играчите во регионот потврди дека гејмингот може да биде корисен, доколку му се пристапи одговорно. Токму тоа е целта на првиот регионален Telekom eSport турнир, да потврди дека гејмингот не е само игра, туку има многубројни позитивни аспекти, како што се стратешкото размислување, креативноста и социјализацијата меѓу играчите - изјави Радмила Димова, раководител на сектор за маркетинг-комуникација и управување со бренд.
На турнирот, кој започна кон крајот на август, учествуваат гејмери од Хрватска, Македонија и Црна Гора. Целта на турнирот, освен забава, е и одговорно играње, едукација за еднаквост и борба против говорот на омраза. Финалето на eSport Championship ќе се одржи на 19 ноември во Загреб.
Повеќе информации на:
https://telekom.faceit.com/mk/
(Комерцијална објава)