На 18 ноември годинава, Скопје и хотелот „Хилтон“ ќе бидат домаќини на Балкан економик форум 2022 (Balkan Economic Forum 2022), конференција која ќе донесе некои од најзначајните експерти за економија, енергетика, финансирање и одржлив развој од Балканот и од поширокиот европски регион.

Претставници на некои од најзначајните европски институции, како Европската комисија DG Ener, ЦЕФТА секретаријатот, ЕБРД, Централната европска иницијатива (CEI), Европската инвестициска банка, ERSTE Banking Group, Виенскиот економски институт (WIIW), Western Balkans 6 Chamber Investment Forum и други ќе учествуваат на четири панели, надополнети со низа експерти од домашниот и од регионалниот банкарски и приватен сектор, меѓу кои и директори на регионалните берзи, претставници на централните банки и водечки компании.

Водечки теми на овогодишното издание на Балкан економик форум ќе бидат регионалната економска соработка, забрзана енергетска транзиција на Балканот, финансирање на економската соработка и регионалниот развој и подобрување на стручните вештини на работната сила на Балканот.