На интернет-страницата на Министерството за образование и наука се објавени резултатите од конкурсите за ученички стипендии од јавните и приватните средни училишта по повеќе основи. Иако во конкурсите стоеше дека резултатите ќе бидат објавени до 30 ноември, МОН доцни две и пол недели со резултатите. Оттаму велат дека го пролонгирале и периодот за доставување документација.

Станува збор за стипендии за талентирани ученици, за ученици од средно образование кои реализираат наставни програми од угостителско-туристичка струка, за ученици-деца без родители, за талентирани ученици-спортисти, за ученици со посебни образовни потреби, како и за социјална поддршка на ученици.