Постојат многу познати личности кои неочекувано починаа на млади години. Но, дали можете да замислите како би изгледале како постари?

Со помош на технологијата за вештачка интелигенција, фотографот Алпер Јесилтас создал серијал наречен „Како ништо да не се случило“, што навидум ги враќа во живот иконите на поп-културата. Познатите личности, вклучувајќи ги Хит Леџер, Фреди Меркјури и Курт Кобејн, се „остарени“ на начин што изгледа исклучително веродостојно. Портретите изгледаат како ликовите неодамна да седнале да се фотографираат.

Јесилтас вели дека е доста возбуден од можностите на вештачката интелигенција. Како што вели, со помош на вештачката интелигенција сè што може да се замисли може да се покаже реално, па токму тоа го инспирирало да почне да експериментира со неа.

- Кога почнав да се занимавам со технологијата, видов што можам да направам и размислував што ќе ме направи најсреќен: сакав повторно да видам некои од луѓето што ми недостигаат - вели тој. Токму така се родил проектот „Како ништо да не се случило“.


Извор: Mymodernmet.com
Фото: Instagram