Социјалната мрежа „Инстаграм“ објави дека воведува нова функција за полесна и побрза монтажа на кратки видеа, познати како „Рилс“.

Функцијата автоматски ги крати избраните видеа и ги отстранува паузите, така што за помалку од 10 секунди може да ја направи саканата верзија од видеоснимката, според која и го добила името „Фрст драфт“.

Така, креаторите на содржини нема да мора рачно да го прегледуваат и обработуваат секој клип, туку добиваат автоматски составен нацрт кој потоа можат да го доработат.

Самата технологија не е нова бидејќи слични функции веќе нудат „Адоуб“ и „Капкет“, но воведувањето директно во „Инстаграм“ ја намалува потребата корисниците да ги префрлаат снимките во посебни апликации за монтажа.

Новата функција засега се воведува на уредите „ајфон“ на „Епл“, а корисниците можат да ѝ пристапат директно од камерата на „Инстаграм“ за време на снимањето или преку галеријата за кратки видеоснимки.

„Инстаграм“ оваа година воведе и други алатки наменети за креаторите на содржини, како што е функцијата која овозможува промена на музиката на објавите без бришење и повторно поставување на содржината.

Истовремено, „Инстаграм“ тестира и функција која им овозможува на создавачите да поврзат повеќе видеа „Рилс“ во една целина и да го одредат редоследот на нивното гледање.

Извор: Euronews.rs
Фото: Magnific