Холандската влада планира да воведе данок на шеќер, мерка што би можела да влијае врз цените на безалкохолните пијалаци, но и врз одредени видови пиво.

Се очекува мерката да донесе околу 900 милиони евра приходи и да ги поттикне граѓаните кон поздрави животни навики.

Според плановите на холандските власти, данокот ќе се применува на сите производи што содржат повеќе од 6 отсто шеќер. По поскапувањето, цената на литарско шише „кока-кола“ би се зголемила за 25 центи, додека цените на други производи би пораснале за околу едно евро по пакување.

Воведувањето данок врз основа на содржината на шеќер во прехранбените производи ќе биде многу посложено, предупредуваат изворите, посочувајќи дека владата ќе се соочи со многу прашања, на пример, кои производи да бидат опфатени, а кои да бидат изземени.

Слични предизвици се појавиле и при разгледувањето на можноста за намалување на ДДВ за овошјето и зеленчукот. За разлика од оваа мерка, која би ги поевтинила овие производи, данокот на шеќер би ги зголемил цените на производите со висока содржина на шеќер, како што се газираните пијалаци, овошните сокови, енергетските пијалаци, но и безалкохолното пиво и пивата со многу ниска содржина на алкохол.

Здружението на супермаркети во Холандија предупреди дека цените на храната следната година би можеле да пораснат за 10 отсто, делумно поради владините мерки, меѓу кои се данокот на шеќер, зголемените патарини за камионите и повисоките енергетски давачки.

Извор: 021.rs
Фото: Pixabay