Најновите ажурирања на „Гугл мапс“, покрај подобрената навигација за пешаците, носат и неколку многу корисни функции што ќе ги воодушеват возачите и можеби ќе ја разлутат полицијата.
Имено, „Гугл“ конечно на своите мапи ја воведе предолго очекуваната функција за пријавување застој или метеж на сообраќајниците. За почеток, тука е можноста за пријава на судир, радар и забавен сообраќај. Оваа функција долго време беше присутна на „Андроид“, а сега ја има и на iOS.
Фото: Google
Покрај пријавите на различни видови застој, „Гугл“ воведе и четири вида нови инциденти - работа на патот, затворена лента, расипано возило и предмет на патот (на пример, одрон).
Сите овие функции ќе помогнат при планирањето на патувањата и намалувањето на потенцијалните фрустрации поради неочекуваното
доцнење.
Ако сакате да пријавите инцидент, само одете на знакот + и потоа на „Add a report“.