Вчера во катедралната црква Света Софија во Охрид се одржа портретот на полскиот поет Адам Загајевски, добитник на „Златниот венец“ на 57-те Струшки вечери на поезијата.
- Адам Загајевски пишува поезија и есеистика во духот на филозофската и културната ерудиција, а неговата лирика со сигурност може да се опише со категориите на современиот класицизам. Наместо јаични игри се служи со т.не „семантичка прозрачност“, бидејќи самиот смета дека најважната одлика на поезијата е смислата, а не обликувањето на јазикот - истакна во својата реч професорката Лидија Танушевска од катедрата за славистика при Универзитетот „Св. Кирил и Методиј“ во Скопје.
-Добро е што полската поезија го има Адам Загајевски. Неговиот бел стих, длабок и рафиниран, насочен кон читателот, допира до многу луѓе во светот. Тој е амбасадор на полската поезија и тоа онаа, како што велат „Полјаците“ од „највисоката полица“. Денес, Загајевски е пред сѐ поет на убавиот, импресионистички и симболичен израз, преку кој сака да ги дофати различните аспекти на човековиот бит“ – додаде таа.
- Секој кој пишува поезија знае дека тоа е несовршен труд. Само будалите се среќни со себеси. Дозволете да ја прифатам оваа прекрасна награда и да не заборавам на сопствената несовршеност, да не заборавам дека моето патување сè уште не завршило. Дозволете да ја прифатам оваа прекрасна награда и да не заборавам на сопствената несовршеност, да не заборавам дека моето патување сè уште не завршило. Ја прифаќам оваа награда со зборови на благодарност и пријателство. – рече во своето обраќање годинашниот струшки лауреати, Загајевски.
Струшките вечери на поезијата ја преведоа и објавија поезијата на Загаевски на англиски, македонски и полски јазик, во капитално издание на 800 страници. Преведувач е Звонко Димовски. Загајевски во вторник во 11 часот ќе биде примен за почесен член на Друштвото на писателите на Македонија.