Новите генерации носат промени во музичките жанрови и начинот на којшто се пишува популарна музика. Сепак, една работа останува константна – секоја година текстови со сомнителен квалитет достигнуваат до врвот на музичките топ-листи.
„Билборд“ сочинува листа на најслушани хитови на годишно ниво. Врз основа на нив, „
Бизнис инсајдер“ направи листа од оние песни коишто во никој случај не би требало да се најдат меѓу топ десетте хитови на годината, почнувајќи од почетокот на 21 век до денес.
(
Фото: Wikimedia Commons)
Погледнете како изгледа таа листа:
2000: „I know I loved you“ – Savage Garden
Критичарите во „Бизнис инсајдер“ оваа песна ја оценија како патетична и полна со стереотипи, како на пример: „Знаев дека те сакам, уште пред да те запознам“. Сепак, оваа нумера од австралиското дуо стана една од најпознатите песни за време на свадбените церемонии.
2001: „Drops of Jupiter (Tell me)“ – Train
Со овој хит, Train се проби на светската музичка сцена, а во него се зборува за жена „со капки од Јупитер во косата“. Исто така, своевремено беше неизоставен хит на радио-станиците долго време по објавувањето.
2002: „How you remind me“ – Nickelback
Од „Бизнис инсајдер“ велат дека оваа не е најлошата песна на познатиот канадски бенд.
2003: „Right Thurr“ – Chingy
Неговиот дебитантски сингл имаше сјаен пробив, но гледано во целост, Chingy остава впечаток на просечност, и првенствено е иритантен отколку што влегува во уши.
2004: „The reason“ – Hoobstank
Според критичарите, самиот наслов на песната е ужасен, барем во споредба со квалитетниот раб и R&B музиката.
2005: „Boulevard of broken dreams“ – Green day
Оваа нумера е карактеризирана како рок-балада, но денес не би имала шанса кај слушателите. Според мислењето на составувачите на листата на „Бизнис инсајдер“, песната на Green day е реликвија со ужасни поп-скокови.
2006: „Bad day“ – Daniel Powter
Оваа песна во 2006 година се најде на првото место на топ-листите. Сепак, критиката вели дека фактот што оваа песна денес не би се ни доближила до топ десетте хитови на листите, се должи на макар малиот прогрес во светот на музиката.
2007: „Hey there Delilah“ – Plain White T’s
Коментарот на критиката за оваа песна гласи: „Њујорчани, кога ќе се додворувате на ’Тиндер‘, обидете се со стихот: ’Тајмс сквер не може да сјае како тебе‘“.
2008: „No air“ – Jordin Sparks and Chris Brown
Критиката: „Никој не може да дише без воздух“.
2009: „I gotta feeling“ – The black eyed peas
Трансформацијата на овој бенд од инди рап во она што го претставуваат песните „Boom Boom Pow“ и „I gotta feeling“ е разочарувачка, вели критиката.
2010: „Hey, soul sister“ – Train
„Речиси една деценија подоцна, Train се праша себеси како повторно може да дојде до врвот со помош на капките од Јупитер“, коментира критиката.
2011: „Moves like Jagger“ – Maroon 5 ft. Christina Aguilera
Оваа песна грубо го обележа периодот во кој Maroon 5 почна да продава што било заради стара слава, додаваат критичарите.
2012: „Payphone“ – Maroon 5 ft. Wiz Khalifa
И повторно Maroon 5 се најде на мета на „Бизнис инсајдер“. Тие оценуваат дека во спотот било непотребно „повикувањето на саканата преку фиксен телефон во ера на мобилни телефони“, и дека песната означува дополнителен пад на квалитетот на познатиот американски бенд.
2013: „Thrift shop“ – Macklemore and Ryan Lewis ft. Wanz
„Смешен хит сингл од албумот што го украде ремек-делото на Кендрик Ламар и освои Греми за најдобар рап албум“, стои во критиката за оваа песна, која за потсетување се најде дури на првото место.
2014: „Rude“ – Magic!
Бесмислениот хит за таткото на идната свршеница, кој не сака да ја даде раката на својата ќерка изобилува со стихови како следниве: „Зошто мораш да бидеш толку строг?“, „Зар не знаеш дека и јас сум човек?“, „Реков, сепак ќе се оженам со неа“.
2015: „Shut up and dance“ – Walk the moon
Овој тип на песна е од оние кои постојано ги слушате на радио, а никогаш не сте се потрудиле на откриете кој ја изведува. Потоа дознавате и веднаш заборавате дека бендот се вика Walk the moon, велат од „Бизнис инсајдер“.
2016: „Stressed out“ – Twenty one pilots
Во годините кога пред нив се најдоа Џастин Бибер и The Chainsmokers, ова дуо се изгуби во желбата да се врати во адолесценцијата, коментираат критичарите.
2017: „Something just like this“ – The Chainsmokers and Coldplay
Од „Бизнис инсајдер“ оваа песна ја оценуваат како обид да се искомбинираат сите музички сили и да се направи песна што содржи 12 повторувања на рефренот: „Doo-doo-doo, doo-doo-doo“.