Сојузот на математичари ги објави конечните резултати од 29. Македонска математичка олимпијада, според кои, 21 ученик од средното образование и деветтоодделенецот Дамјан Давков успеале да освојат медал.
Притоа, четворица ученици се закитиле со златен медал. Тоа се Никола Спировски, кој е втора година и има најмногу поени, вкупно 33, Јасна Илиева, која е четврта година, Блаже Суклевски, кој исто така е четврта година и Алексиј Тасиќ, кој е прва година.
Второто место го делат шест ученици, од кои четворица се втора година, еден е трета, а најмалиот е Дамјан.
Бронзен медал зеле 12 ученици.
Од СММ истакнаа дека учениците, заклучно со 11. место, се квалификувани за тест за Интернационалната математичка олимпијада.
Тестот за избор на македонската екипа за ИМО 2022 ќе се одржи викендот 21-22 мај во просториите на Природно-математичкиот факултет во Скопје.
Фото: СММ (за поголема резолуција, кликнете на фотографијата)