Празничните песни би можеле да ни помогнат да заспиеме побрзо и да имаме поквалитетен сон за време на празниците. Мелодиите што ги слават Божиќ и Нова година обично се релаксирачки и како такви можат да ги заспијат слушателите. Музиката најчесто ги инспирира луѓето да танцуваат, но исто така може да го подобри спиењето.
- Спиењето е нешто на кое луѓето посветуваат многу повеќе внимание бидејќи му помага на телото да изгради нови клетки и умот да се одмори, што е неопходно не само за лекување болести, туку и за благосостојба и подобар имунитет - објаснува Џоен Лови, директорка на центарот за музика и медицина „Луис Армстронг“ и универзитетски професор.
Родителите од искуство знаат дека приспивните песни и нежните мелодии можат да им помогнат на бебињата да заспијат. Науката ја поддржува оваа заедничка опсервација, покажувајќи дека децата од сите возрасти, од предвремено родени бебиња до деца од основно училиште, спијат подобро кога слушаат смирувачки мелодии. За среќа, децата не се единствените што можат да имаат корист од приспивните песни пред спиење. Луѓето од различни возрасни групи имаат подобар квалитет на спиење откако слушаат смирувачка музика.
Во една студија, возрасните што слушале музика 45 минути пред спиење изјавиле дека имале подобар квалитет на сонот од првата ноќ. Уште поохрабрувачки, се чини дека оваа придобивка има кумулативен ефект бидејќи сонот на учесниците се подобрувал кога тие продолжиле да слушаат музика пред спиење.
Во центарот за музика и медицина „Луис Армстронг“, истражувачите развија протокол за музикотерапија за спиење, кој вклучува создавање приспивна песна заснована на омилената песна на една личност со отстранување на зборовите и поместување на аранжманот на песната за да помогне во заспивањето. Одредени музички карактеристики и аранжмани можат да помогнат, вели Лови, нагласувајќи ја важноста на личните преференции и спомени. На пример, ако некој има негативни спомени или стрес поврзан со некоја од божиќните песни или нивните изведувачи, веројатно нема да има подобар сон.
- Еден од најголемите аспекти што моментално ги проучуваме е врската помеѓу спиењето и стресот. Особено околу празниците, кога по природа треба повеќе да одмараме и да „хибернираме во темни простории како поларни мечки“, но наместо тоа, нè тресе празничната треска, пазарењето, брзањето, грижата дали на сите сме им купиле сè што им треба, трошењето многу пари. Се разбира, во таква стресна ситуација, сонот е првиот што страда - објаснува Лови.
Извор:
Eklinika
Насловна фотографија: Pixabay