Серијата „Почудни нешта“ (Stranger things) инспирира нова приказна која нема да може да ја гледаме на „Нетфликс“.
Станува збор за нова претстава наречена „Почудни нешта: првата сенка“ (Stranger things: the first shadow) која ќе биде прикажана во Лондон, а ќе се фокусира на помладата верзија на некои од главните ликови. Приказната ќе биде сместена во 1959 година, кога Џим Хопер е млад, а Хенри Крил, кој станува главниот негативец во серијата, е мало момче.
Серијата „Почудни нешта“, сместена во 80-тите години, почна да се прикажува на „Нетфликс“ во 2016 година и е една од најпопуларните серии на платформата. Петтата и последна сезона од серијата е потврдена, но не се знае нејзината премиера.
Новата претстава е напишана од Кејт Трефри, која работела на оригиналната серија, и се основа на приказната напишана од креаторите на серијата, браќата Дафер и Џек Торн.
Извор:
Cnet
Насловна фотографија: Youtube (printscreen)