Доколку пребарувате дијагнози врз основа на симптоми на „Гугл“, вашата претпоставка може да се покаже како точна, посочува ново истражување.

Истражувачи од болницата „Бригам енд вимен“ и медицинскиот факултет при „Харвард“ откриле дека луѓето почесто им даваат точни дијагнози на најблиските по барање на симптомите онлајн отколку кога се обидувале да постават дијагноза пред онлајн-пребарување. Освен тоа, испитаниците во истражувањето повеќе не биле анксиозни поради резултатите од нивното пребарување и можеле добро да проценат дали итно треба да побараат медицинска помош или може да почекаат.

- Нашата работа покажува дека веројатно е во ред да им кажуваме на пациентите да „гуглаат“ симптоми - изјавил доктор Дејвид Левин, автор на истражувањето.


Во истражувањето учествувале 5.000 лица кои требало да прочитаат студија на случај со повеќе симптоми и потоа да постават дијагноза. Испитаниците потоа ги пребарувале симптомите онлајн и поставиле подобра дијагноза отколку во претходниот случај.

Во истражувањето испитаниците требало да замислат дека поставуваат дијагноза за блиска личност, а не за себеси.

Откритијата се спротивни на она што медицинските лица го советуваат, а тоа е да не се поставуваат дијагнози со пребарување на интернет. Пребарувањето на симптомите навистина може да предизвика анксиозност и да доведе до поставување погрешна дијагноза.

Освен тоа, едно истражување покажало дека само околу една третина од веб-страниците што нудат информации за дијагнози и третмани се појавуваат први при пребарувањето.

Автор: Келси Сандовал
Извор: insider.com