„Нетфликс“ најави нова документарна серија од три дела за животот и наследството на Метју Пери. Серијата со наслов „Онаа за Метју Пери“ (англ. „The One About Matthew Perry“) ќе го следи неговиот пат до светската слава благодарение на улогата на Чендлер Бинг во „Пријатели“, но и тешките моменти од приватниот живот и долгогодишната борба со зависноста.

Премиерата е закажана за 27 октомври, три години по неговата смрт.

Документарецот ќе ја раскаже приказната за Пери преку сеќавањата на неговото семејство и најблиските пријатели. Според официјалниот опис, целта на серијата е да го прикаже Метју таков каков што го познавале луѓето од неговото блиско опкружување - великодушен, духовит, ранлив и исклучително харизматичен човек.

Серијата ќе се занимава и со проблемите со кои се соочуваше и неговите обиди да изгради живот далеку од славата и имиџот на телевизиска ѕвезда. Документарецот носи искрен и непријатно реален поглед кон неговиот живот, но и кон особината по која тој остана запаметен - искреноста.

Гледачите првпат ќе слушнат некои приказни од помладата сестра на Пери, Миа, и неговите најдобри пријатели од детството. Во документарецот ќе бидат прикажани и необични, необјавени фотографии и снимки од семејната архива.

Извор: 24sedam.rs
Фото: Screenshot/YouTube